قصيدة مهداة للمقاومين في جرود عرسال للشاعر الزميل محمد علوش
شفتنْ لوحدنْ مارقين
ما قدرتْ احكي وودعن
كفوفن شجر ومعمشقين
والشمس عم تمشي معن
شفتن بجفني مارقين
ع جرود روحي طالعين
زهر الحياة باصبعن
مشبو وبدربن ساكتين
رصاصن لي عم يحكي
بلكي الصخر صابو الحنين
وبدو وفا يبكي
وجوهن فرح ما اجملن
قلبن صفا روحن معن
مراية حلا عم تسألن
عطوني بعد ضحكي
هني لي كانوا عارفين
ومن وعد الله مأكدين
انو المدا كلو الن
وانو السما عم تسمعن
المصدر: انترنت
